新聞學客語－新竹竹東海陸腔
【華文版】
長者牙口不佳影響營養 國健署推廣質地調整飲食
【羅盛滿／新竹竹東海陸腔】「呷飽沒？」問候暗藏長者牙口難題，近7成長者因牙齒、咀嚼或吞嚥等問題而飲食受限，導致營養攝取不足，國健署培訓逾2000名人員推廣質地調整飲食，盼長者吃得開心健康。
國健署強調，將持續和各縣市社區營養中心合作，攜手更多餐飲業者、社區據點及飯店餐廳推動，逐步建立高齡營養質地調整飲食地圖，共同打造更友善、更貼心的高齡用餐環境，讓長者都能享受「食」在無憂的生活。（中央社）
北市動物園6隻大紅鶴嗷嗷待哺 觀察育幼好時機
台北市動物園迎來大紅鶴嬰兒潮，園方表示，近期來訪將能看到6隻1到2個月大的幼鳥，有些仍身著灰毛，有些已漸長出灰黑色羽毛，還有機會目睹鳥爸爸、鳥媽媽共同「哺乳」。
動物園表示，有幾隻寶寶全身仍布滿灰色絨毛，還有些個體成長較快速，逐漸長出灰黑色的亞成鳥羽毛；還有幾隻去年出生的「青少年」，是一次觀察到成鳥、亞成鳥與幼鳥同框的難得機會。（中央社）
台綜院：10月電力景氣燈號亮紅燈 今年經濟成長上看7%
台綜院今天發布10月電力景氣燈號，亮出呈現熱絡的紅燈，其中，半導體產業用電大幅走強，創下3年半最大單月成長新高紀錄。台綜院表示，人工智慧（AI）需求可望持續帶動半導體產業蓬勃發展，若趨勢延續，全年經濟成長率不僅可突破6.5%，更有機會上看7%，成為2000年以後最亮眼的經濟表現。（中央社）
【客文版】
世大人牙齒毋好影響營養 國健署推廣質地調整食雜
用「食飽吂？」來問候世大人敗勢講出嘴个牙齒問題，因為兼兼7成个世大人有牙齒毋好、噍毋落抑係吞毋落胲這兜問題，造成佢兜當多東西無法度食、乜有營養攝取毋罅个情形，國健署培訓超過兩千儕人員推廣質地調整食雜，盼望世大人做得食得歡喜又健康。
國健署強調，會持續摎各縣市社區營養中心合作，聯合還較多餐飲業者、社區據點還過飯店餐廳共下推動，一步一步建立高齡營養質地調整食雜地圖，共下打造還較友善、還較貼心个高齡用餐環境，分世大人都做得享受「食」在毋使愁个生活。
台北市動物園6隻大紅鶴肚屎枵緊叫 堵好係觀察鳥子好時機
台北市動物園迎來大紅鶴嬰兒潮，園方表示，這站仔來動物園做得看著6隻1到2個月大个鳥子，有兜身項還係灰色个鳥毛，有兜斯慢慢仔生出灰烏色个羽毛，還有機會親眼看著鳥仔阿爸摎鳥仔阿姆共下「飼乳」。
動物園表示，有幾隻鳥子臽身還係淰淰个老鼠色絨毛，還有幾隻仔个成長速度較遽，慢慢仔生出灰烏色个鳥豚仔羽毛；還有幾隻在舊年出世个「青少年」，係做一擺觀察鳥公鳥嫲、鳥豚仔還過鳥子聚共下个難得機會。
台綜院講：10月電力景氣燈號著紅燈 今年經濟成長上看7%
台灣綜合研究院今晡日發布10月電力景氣燈號，呈現紅釘釘个紅燈，其中，半導體產業用電大幅走強，創下3年半以來最大一個月成長最高紀錄。台綜院表示，人工智慧个需求有機會持續帶動半導體產業蓬勃發展，若講勢頭延續，歸年經濟成長率毋單淨做得突破6.5%，還較有機會到7%，成為兩千年以後最打眼个經濟表現。
講客廣播電臺
官網網路收聽：https://www.hakkaradio.org.tw/
Android版 APP下載：https://reurl.cc/8GWlXd
IOS版 APP下載：https://reurl.cc/O1pb59